Danmarkimi 25 oorit atorluarneqarput
Naluneqangitsutut 25 øri ungasinngitsukkut akiliutigineqarsinnaajunnaarpoq.
Tamatuma nalaani Danmarkimi Sclerosemik, tassa timip sianiutaatigut aseruuttoornermik nappaatillit peqatigiiffiat, 25 ørinik katersilerpoq. Maanna peqatigiiffik nalunaarpoq 6,3 miliuuni koruunit isertinneqarsimasut.
Allattoq Louise M. Kleemann
novembarip 06-at 2008 12:48
Allatut oqaatigalugu 25 ørit 25 miliuunit katersorneqarsimapput, taakkualu 60 tonsinik oqimaassuseqarput. Timip sianiutaatigut siaruaakkiartortumik aseruuttoortut katsorsaatissaannik nassaarniarnermut isertitat atorneqassapput.
25 ørip atorunnaarnera iluatsillugu Kalaallit Nunaanni katersuiniartoqarsimanngitsoq Grønlandsbankimiit nalunaarutigaat. Manna tikillugu 25 ørit 88.000-it Grønlandsbankimut tunniunneqarsimapput, taakkualu 22.000 koruuninik nalillit Nationalbankimut aatsinneqartussanngorlugit nassiunneqarput.
