Danmarki suliniuteqarnerpaanut ilaavoq
Polenimiittumi Poznanimi ulluni makkunani Naalagaaffiit Peqatigiit sila pillugu ataatsimeersuarput, tassanilu nunat silaannaap mingutsinneqarnera akiorniarlugu suliniuteqarluarnerpaat allattorsimaffiat saqqummiunneqarmat, Danmarkip inissisimaffia erserpoq.
Ukiumoortumik misissuinermi Climate Change Performance Indeximik taasami, nunarsuarmi CO2-mik aniatitsinerup 90 procentianik aniatitsisut nunat 57-it misissuinermi peqataaapput.
CO2-mik aniatitsinermik millisaanerpaapput Sverige, Tyskland aamma Frankrig, killoq Saudi-Arabia, nunarsuarmi uuliamik tunisassiornerpaaq, USA-tut Canadatulli CO2-mik aniatitsinerup millisarnissaanut suliniuteqannginnerpaasoq.
Sverige tassa suliniuteqarluarnerpaaqqippoq, siorna tullersortigisimallugit Tyskland Islandilu.