Danmarkip naalakkersuisui nunatsinni naalakkersuisut ilaatigut Tasiilami meeqqat ikiorneqarnissaannut tunngatillugu Danmarkimit aasalersoq ikioqqoreernerisa kingorna tapiissuteqarput.Assi: Merete Lindstrøm, KNR

Danmarki 5,3 millioner koruuninik Tasiilamut tapiissuteqartoq

Danmarkip naalakkersuisui 5,3 millioner koruuninik Tasiilami meeqqat kinguaassiutitigut atornerlunneqarsimasunut ikiuilertupallattartussanut tapiissuteqarput.

Danmarkip naalakkersuisui 5,3 millioner koruuninik Tasiilami meeqqat kinguaassiutitigut atornerlunneqarsimasunut ikiuilertupallattartussanut tapiissuteqarput.

Meeqqat nunamilu namminermi pissutsit pillugit ministeri Astrid Krag (S) taama ilisimatitsissuteqarppoq.

- Tapiissutaat isumaginninnermi siunnersortinut, tarnip pissusiinik ilisimasalinnut misissuisartunullu taamatuttaaq ilaqutariinnut sullissisartunut atorneqassapput. Taakku kommunip sulianik uninngaannartorpassuarnik ingerlatsisussanngorneranut ikiuutissapput, meeqqanulli isumaginninnikkut sullinneqareersunut aamma tapersersortaassapput, Astrid Krag oqarpoq. 

Pinerlunnerit unnerluutigineqarsimasut arfineq-pingasoriaammik amerlanerusut
- Kalaallit Nunaanni kinguaassiutitigut pinerlunnerit unnerluutigineqarsimasut Danmarkimi Savalimmiunilu pinerlunnernut unnerluutigineqarsimasunut sanilliullugit arfineq-pingsoriaammik amerlanerupput.
- Tasiilap inuttussusaa eqqarsaatigalugu meeqqanut inuusuttunullu kinguaassiutitigut pinerluttuliornernut tunngatillugu Kalaallit Nunaanni unnerluussinerpaaffiusarpoq.
- 2018-imi pinerlunnerit unnerluutigineqarsimasut 27 proccentii Tasiilami meeqqamik 15-iliineqanngitsumik kinguaassiutitigut atoqateqarnermut tunngapput, massa Kalaallit Nunaata inuisa kinguaassiutitigut atornerlunneqarsimasut 5 procentii Tasiilameersuusut.

Tamanna Tasiilami nunattalumi sinnerani meeqqat inuusuttullu atugarliortut inuunerminni atugaasa siunissami pitsanngorsarnissaannut 2020-mi innersuussuteqartoqarneranik kinguneqassaaq.

Tamanna ilutigalugu Danmarkip naalakkersuisui naalakkersuisullu aalajangerput tamatumani sulineq suliatigut kattussinikkut aallartinneqassasoq.

Danmarkip naalakkersuisui nunatsinni naalakkersuisut ilaatigut Tasiilami meeqqat ikiorneqarnissaannut tunngatillugu Danmarkimit aasalersoq ikioqqoreernerisa kingorna tapiissuteqarput.

AAMMA ATUARUK Tasiilami meeqqanut inuusuttunullu kinguaassiutitigut pinerlinnerit pillugit unnerluutiginninnerpassuit

Kalaallit Nunaanni Politiit sapaatit akunneranni uani nalunaarutigaat, ukiuni tallimani kingullerni pinerlunnerit unnerluutigineqarsimasut Tasiilami meeqqat inuusuttullu kinguaassiutitigut pinerluttuliorfigineqarsimasunut attuumasssuteqartut 191-iusut.

Tassa imaappoq, ukiut tamaasa pinerlunnernik nutaanik 40-nik unnerluutiginnittoqartarpoq – sumiiffimmi 200-ngajannik inulimmi. 

Ingammik niviarsiaqqat quliniit 14-it angullugit ukiullit eqqugaasarput, pinerlussimasutullu unnerluutigineqartut angutaakkajupput 15-iniit 30 angullugit ukiullit. Pinerluttuliorfigineqarsimasut pinerluffigineqarnerminni ukiuisa agguaqatigiisinnerat aqqanilliupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat