Danmark taperserlugu Canadami innuttaasut akerliussutsimik takutitsisut

Canadami Torontomi innuttaasut sapaatip-akunnerata naanerani akerliussutsimik takutitsipput. Akerliussutsimik takutitsineq danskit Canadami aallartitaqarfiata silataani pivoq. Danmarkimi aviisip Jyllands-Postenip Muuamaamik titartakkanik saqqummiussaqarsimanera akerliussutsimik takutitsinermut aallaaviuvoq.

Torontomi akerliuniartut Kangiani qiterlermiusulli danskit erfalasuannik ikuallaallutillu suaartaateqanngillat, killuanilli killilersugaanngitsumik oqarsinnaatitaanerup illersugaasariaqarneranik akerliuniarnerat tunngaveqartoq, nutaarsiassaqartitsivik Ritzau allaaserinnippoq.

- Isiginnaaginnarsinnaanngilarput inuiaqatigiit kiffaanngissuseqartut toqqammaviusumik isummertarnerannut sakkulersorluni qunutitsiniarlunilu akerliuniarnerit, akerliussutsimik takutitsinermut aaqqissueqataasoq Daniel Dale, ilaatigut taama oqalugiaateqarpoq.

Torontomi akerliussutsimik takutitsisorpassuit danskinut illersuinertik takutinniarlugu danskit erfalasuannik assilisanillu Danmarkimeersunik tigumiarsimasut, Ritzau allappoq.