Danmark sakkutuuleeqataasinnaassaaq

Libanonip kujataani nunat tamalaat sakkutuuliissappata Danmarki aamma sakkutuuleeqataasinnaassaaq.

EU-mi nunat ilaasortat piumasaraat Israelip Hizbollahllu akersuunnertik erniinnaartumik unitsissagaat. Taama kaammattuisoqaraluartoq Israelip Hizbollah-kkut Libanonip kujataanit qimagutitinniarlugit saassussisarnini ullumi sakkortusivai.

Israelimi naalakkersuisut aamma nalunaarput, silaannakkut qaartartumeerinitik aqagumiit aallarteqqissagitik. Aqagumi nalunaaquttap akunnerini 48-ni sakkuaatinnginnissamik isumaqatigiissut qaangiutissaaq.

EU-mi nunanut allamut ministerit Bruxelles-imi ullumi ataatsimiinnerminni sakkuaakkunnaavinnissaq siunertaralugu saassussinerit tamaviisa unitseqquaat. Nalunaarneq tunngavigalugu Danmarkip nunanut allanut ministeria Per Stig Møller oqarpoq, danskit sakkutuui Afghanistanimi Irakimilu ulapikkaluaqisut, Libanonimi nunat tamalaat sakkutuuliissappata, Danmarki sakkutuuliinissaminut aamma piareersimasinnaassasoq.