Danmark pujortarfiunngitsoq

Pujortartartut ikiliartornerat taamatut ingerlaannassappat 2040-mi pujortartarneq Danmarkimi oqaluttuaannanngorsimassasoq, aviisimi Politikenimi allaaserinnittoqarpoq.

2003-p kingornagut Danmarkimi innuttaasut pujortartartut 27 procentiniit 24 procentinut ikileriarput. Ikiliartornerat taama ingerlaannassappat 2040-mi pujortartarneq Danmarkimi oqaluttuaannanngorsimassaaq. Kisianni tamanna qularnartoqartoq Else Smith Danmarkimi Peqqissutsimut Qullersaqarfiup pinaveersaartitsinermut immikkoortortaanut pisortaasoq oqarpoq.

- Pujortartartut ikilisingaatsiarsinnaagivut isumaqarpunga. Pujortartartut innuttasut 15 procentiinut appartissinnaanissaat ilimanarneruvoq, Else Smith oqarpoq.

Danskit pujortartarnerisa ukiumoortumik misissuiffiginerinut ingerlatsisut tassaapput Danmarkimi Peqqissutsimut Qullersaqarfik, Danmarks Lungeforening, Kræftens Bekæmpelse aamma Hjerteforeningen.