Danmark: Nunatsinnit hashimik nassiussarsisoq
Østerbromiu poortukkamik Nunatsinneersumik sapaatiummat nassiussarsigami tupaallatsinneqarpoq.
![](/sites/default/files/styles/image_934x467/public/article_images/hash-konfiskerede_klumper.jpg?itok=zGT3eD-y)
Allattoq Simon Uldum -
Østerbro Avis taama allaaserisaqarpoq.
Angut Østerbromi najugaqartoq poortukkamik hashimik 400 grammimik imalimmik sapaatiummat nassiussarsinermi kingorna politiinut saaffiginnissimavoq.
Poortugaq Nunatsinnut tikimmat aaneqarsimanngilaq, taamaammat poortukkamik nassiussisutut allanneqarsimammat angummut pineqartumut utertitsillugu allakkeriviup nassiussimavaa.
Aamma atuaruk Ikiaroornartuerniat Inatsisartunit ikilisinniarneqarput
Politiinulli nalunaarutiginnittup poortugaq hashilu attuumassuteqarfigisimanngilai. Østerbromi politiit Nunatsinni Politiinut suliaq misissuiffigeqqullugu maanna saaffiginninniartut, aviisi allappoq.