Danmark assammik arsarluni VM-imi ajorsaqqippoq

Danmarkimi Montenegromut 23-21-mik Herningimi ajorsarpoq, unamminerillu tulleriit maanna ajorsarfigalugit. Sungiusaasuatalu Klavs Bruun Jørgensenip unammisartui Sverige 1/8-finalimi sapaatiuppat maanna unammisussanngorpaat. Sapernassagunarporlumi.

Montenegromut unamminerup immikkooortua siulleq naammat Danmark 7-12-imik kinguaqqavoq.

Assammillu arsarnermi nunat pikkorissut allat marluk maanna aamma naapittussanngorput, tassami Frankrig Spaniamut unammisussanngorami.

Nunarsuarmi pissartanngorniunnerni Danmarkimi ingerlanneqartuni gruppini sisamani unamminerit ullumi tallimanngornermi naammassineqarput.

Taamaasilluni unamminerit tulliuttut nunanut tamanut pingaaruteqarluinnalerput, ajorsaraannimi pissartanngorniunnernit anisitaasoqartalissagami.

Nunat 1/8-finalini naapittussat tassaalerput:

Montenegro-Angola
Ungarn-Polen
Danmark-Sverige
Serbien-Holland
Brasilien-Rumænien
Frankrig-Spanien
Tyskland-Norge
Sydkorea-Rusland