Danmark aqagu sukataarniarpoq
Assammik arsarluni Europami pissartanngorniunnerni Danmark Norgimut ullumi unamminermi 19-29-mik ajorsarpoq, pissartanngorniutivinnissamullu anngutinngitsoorluni.
Allattoq Mads Lynge
Semifinalit aappaanni Sverige Rumaaniamut unammimmat Sverige tupaallatsitsilluni 25-23-mik ajugaavoq.
Norge aamma Sverige taamaasillutik pissartanngorniutivittussanngorput, KNR TV-kkullu aqagu ulloqeqqanut takuneqarsinnaassalluni.
Bronzinnanniunnissarli siulliullugu takuneqarsinnaassaaq, Danmarkip Rumaaniamut unamminera qulinut qaleriippat takuneqarsinnaassammat.
Danmarkip sukataarnissaa Danmarkip målmandiata Karin Mortensenip neriorsuutigaa:
- Aatsaat taama sukataartigiumaarpugut. Ullumikkut takutitatsinniit pitsaanerujussuarmik takutitsisinnaavugut, Karin Mortensen Ritzauimut oqarpoq.