Dalai Lamap aallartitai Kina-mi naalakkersuisuinik ataatsimeeqateqarput
Beijing-imi Olympeade-imi unammersuarnissaq qanilliartorpoq, Tibet-imilu eqqissisimanissaq Kina-mi naalakkersuisut tungaannit pisariaqartinneqarpoq.
Tibet-imi martsip qaammataanni eqqissiviilliortoqarnerata kingorna Kina-mi naalakkersuisut ilungersunartorsiortinneqarput, ilaatigut EU-mit USA-millu kissaatigineqarluni Dalai Lamap oqaloqatigineqarnissaannik.
Tassalu maannakkut ataatsimiinneq aallartinneqarpoq, ataatsimiinnerli sumi sunalu ataatsimiissutigineqassanersoq pisortatigoortumik saqqummiunneqarani. Tibet-imiut kisimik tamanna uppernarsarsinnaasimavaat, tassalu ataatsimiinneq ingerlanneqartoq oqaatigalugu nutaarsiassaqartitsivik ritzau nalunaarpoq.