Dalai Lamamik tapersersuiniarput

Hollandimiut politikeriisa ilaata, Geert Wildersip filmiliaa islamisiortunik isornartorsiuisoq, “Fitna”, EU-mi nunanut allanut ministerinit assuarineqarsinnaavoq, Tibetimulli tunngatillugu isumaqatigiissinnaanatik. Danskilli nunanut allanut ministeriata Per Stig Møllerip suligasuarneratigut Tibetip siuttuanik Dalai Lamamik mianersortunnguamik tapersersuinissaq isumaqatigiissutigineqarpoq.
Allattoq Mads Lynge
marsip 29-at 2008 13:34

Tibetimi innuttaasut Kinamiunit 1959-imili ajattugaasimapput.

Tibetip namminersulivinnissaa piumasarinagu Tibetip namminersulernissaa Dalai Lamap piumasarimmagu EU-mi nunanut allanut ministerit Dalai Lamamik tapersersuiniarnertik nalunaarutigaat.

- Tibetimiut oqaasiisa kulturiallu oqaloqatigiinnikkut tammatsaaliorneqarnissaat anguniarneqarpoq, nalunaarummi allassimavoq.

Beijingimili OL-imik aggustip qaammataani ammaanersiornerup danskit ministeriinit peqataaffigineqassanersoq peqataaffigineqassannginnersorluunniit, danskit nunanut allanut ministeriannitt Per Stig Møllerimit suli isummerfigineqanngilaq.

Frankrigimi, Tysklandimi, Europallu kangisinnerusortaani nunani arlalinni siuttut Beijingimi OL-mik ammaanersiornerit peqataaffigiumanngilaat.

Tuluit Nunaat OL-mik ukioq 2012-imi aaqqissuisuusussaapput, Beijingimilu ammaanersiornermi peqataasariaqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq