Dalai Lama tunuarnialersaarpoq
Dalai Lama ullumi oqarpoq, Tibet-imi eqqissiviilliornerit ingasatsikkaluttuinnassapata tunuarniarluni.
- Paatsiveerunneqalissagaluarpat tunuartariaqassaanga, Dalai Lama, Indiap avannaani tusagassiortunik katersortitsinermi oqarpoq.
Kina-miut oqartussaasui Tibet-imiunik peqqarniitsumik aqutsinerat kulturikkullu atukkanik nungusaanerat Dalai Lamap assuaraa. Nobel-ip eqqissinermut nersornaasiuttagaanik nersornaaserneqarsimasup, Kinamiut Tibet-imiullu eqqissillutik inooqatigiinnissaat kajumissaarutigaa.
Tibet-ip nunatut namminersortutut ingerlalernissaa Dalai Lamap naatsersuutiginngilaa.
Tibet-imi sapaatip akunnerani kingullermi eqqissiviilliornerni inuit 16-it toqutaasimasut Kinamiut oqartussaasuisa nalunaarutigaat, Tibet-miulli naalakkersuisui nunani allani najugaqartut oqarput, eqqissiviilliortoqarnerani inuit 80-it toqutaasimasut.
