Daimi Robertimik nersornaaserneqassangatinneqartoq
Daimi filmeeraavoq filmiliornermi ilitsersuisartunngorniap Marie Grahtø Sørensenip kalaallimik niviarsiaqqamik Bebiane Kreutzmannimik pingaarnertut inuttaqartitsilluni filmiliaa. Immikkoortumi fiktion/animationimi Robertimik nersornaasigassatut innersuunneqarsimavoq, tassanilu filmit allat marluk unammillertussaavai: Uumasoq, Malene Choip filmiliaa aamma Happy New Years, Emil Falkep filmiliaa.
Filmimi Daimimi Bebiane Kreutzmann niviarsiaraavoq aqqaneq-marlunnik ukiulik anaanaminit inissiamut ipermik sussaanngitsumut qimaannarneqarsimasoq. Tassani kiseqqinnaami ikinngutiginerpaasani puulukiaraq ilagalugu juullisiortussaavoq.
Bebiane Kreutzmann, maanna 14-inik ukioqartoq, 12-inik ukioqarluni TV2-p nangeqattaartuliaani Lærkevejimi isiginnaartitsisartutut saqqummeqqaarpoq. Daimi Odensemi nunani tamalaani filmeeralianik festivalertitsinermi aamma Rotterdami nunat tamat filmiliaannik festivaleritsinermi takutinneqarsimavoq.
