Cubamiut nutaanik nillataartitsivittaarput
Cubami angerlarsimaffiit tamarmik qaammatini kingullerni nutaanik nillataartitsivilersorneqarput. Nillataartitsivitoqqat innaallagiatorpallaarmata, Fidel Castro aalajangiisimavoq, nillataartitsiviit tamarmik ataatsikkut taarsersorneqassasut.
Allattoq Elisa Isaksen
oktobarip 19-at 2009 06:00
Nillataartitsiviit nutaat Kiinameersut innaallagissamik atuinermut sipaarniuteqarnermut ilaatinneqarput.
Nillataartitsiviilli akeqanngitsumik tunniunneqanngillat, tassami innuttaasut qaammammut 12 koruuneertassapput. Tamannalu ajoqutissaqartinnagu Cubamiu Maria DR-imut oqarpoq:
- Tassami angerlarsimaffik pinngitsoorani nillataartitsiveqartariaqarpoq.
Mariap nillataartitsivittaavani ilitsivissaqarluarpoq, tamannalu Cubap kiatseruttornerani pingaaruteqaqaaq. Taassuma nillataartitsivitoqaa ukiunik 60-ingajannik pisoqaassuseqarpoq - tassa Fidel Castro mumisitsinngikkallarmalli pisiarisimasaa.
- Aamma nillataartitsivitoqara aserukulasunngorami, Maria DR-imut oqarpoq.
