Cubamiut atortorissaarutinik pisisinnaanngorput

Cubamiut aatsaavissuaq DVD-mik isiginnaarutinik atortorissaarutinillu nutaaliaasunik allanik pisisinnaanngorput, ullualunnguillu qaangiuppata allaat mobiltelefoninik pisisinnaanngussallutik.

Allanngortiterinerit arlaqarput. Cuballu præsidentertaavata Raúl Castrop innuttani namminersortut nunaatini naggorissarneqanngitsuni tupanik kaffinillu naatitseqqullugit kajumissaarpai.

Havanami qarasaasiatigut atortussaarniarfimmi La Cubami ippassaq ulapputtunnguupput pisiniartitsisullu pisiniat tulleriiaarlugit DVD-mik immiussissutinut ingerlattarpai. Ikinnerpaat taamaallaat pisiaqartarput periarfissinneqarnertilli nuannareqalugu isumaqatigiillutik.

Computereqarsimanngisaannarpunga assigisaannilluunniit, tamannali siuariarneruvoq siumukartussaavugullu, naasuerniaq oqarpoq.

DVD-maskiina Panasonicimeersoq Philipsimeersorluunniit Havanami 600 kr.-eqarpoq, taakkulu Cubamiunut akisoorujussuullutik, amerlanerpaammi taamaallaat 100 kr.-inik qaammammusiaqarmata. Cubamiunulli amerlanerpaanut pingaartuuvoq inerteqqutit eqqumiitsut arlaqaqisut atorunnaarsinneqarmata, maannakkullu ulluni makkunani præsidentinngortup Raúl Castrop tusaanialeraatik malugisimallugu.

Knallertit innaallagiatortut computerillu sapaatip akunnerani matumani ammaanneqarput. Tamatuma peqatigisaanik Cubamiut hotelimi ininik attartorsinnaalerput, soorlu feeriartarfissuarmi Vara Deromi, nunat killermiut aningaasaatilissuit ornittagaanni. Sap. akunnerilu marluk qaangiuppata Cubamiut tamarmik mobiltelefonimut attavilerneqassapput. Manna tikillugu mobilit taamaallaat nunanit allamiunit suliffeqarfinnillu atorneqaraluarput.

Tamakkua tamarmik taamaallaat aningaasarsiornermit naalaaffiullu nakkutilliineranit alloriarnerupput annikitsunnguit, nalunanngilarli Raúl Castrop angajumi Fidel Castrop periaasia allanngortinniaraa, tamannalu pillugu aamma nunat naggorissarneqanngitsut naasorissaasunit namminersortunit naggorissaasinnaanngortillugit, tamatumani nunalerinikkut tunisassiat annertusarniarneqarmata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat