Covid-19-mik tunillatsittoqarsimaneranik pasitsaassisoqarmat umiarsuaq kinguaattoorpoq

Islandimiut umiarsuaatileqatigiiffiata Eimskipip umiarsuaani Dettifossimik inuttat COVID-19-mik tunillatsissimasutut pasineqarmata misissorneqarput. Tunillatsittoqarsimanngilarlu.
Assi © : Royal Arctic Line
Allattoq Helle Nørrelund Sørensen
juulip 17-at 2020 09:18
Nutserisoq Jaaku Lyberth

Umiarsuaq Dettifoos Aalborgimit Island aqqusaarlugu Nuummut ullaaq manna arfineq marlunut tikittussaagaluarluni ullup qeqqata kingorna ataatsimut tikissasoq, umiarsuaatileqatigiiffik Royal Arctic Line tusagassiuutinut nalunaaruteqarluni taama allappoq.

Royal Arctic Line Islandimiut umiarsuaatileqatigiiffiannik Eimskibimik assartueqatigiilernerata

kingorna umiarsuaq Dettifoss siullersaalluni Kalaallit Nunaannut tikissaaq

Dettifossimi inuttat ilaat Covid 19-mik tunillatsissimaneranik pasitsaassisoqarmat, Reykjavikkimi misissorneqarput. Misissortinnermi inernerit paasineqarnissaat utaqqineqarput, umiarsuaq Kalaallit Nunaannut ingerlaqqitsinnagu. Tunillatsittoqarsimanngilarlu Royal Arctic Line taama paasissutissiivoq

Umiarsuaatileqatigiiffiit Royal Arctic Line aamma Eimskib assartueqatigiinnertik junimi aallartipppaat.

Umiarsuaatileqatigiiffiit tamakkiisumik assartuussuteqatigiilernerat oktoberimi aallartissaaq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq