Covid-19-imik napparsimasoq napparsimmavimmut unitsinneqartoq siulleq

Pineqartoq Danmarkimiinnermi nalaani coronavirusimik tunillanneqarpoq, taannalu maanna Nuummi napparsimmavimmi mattusimaneqarpoq.
Nunatsinni coronavirusimik tunillatsissilasumik napparsimmavimmut unitsitsisoqartoq, nunatta nakorsaanera, Henrik L. Hansen tusagassiortunut ilisimatitsinermini oqarpoq. Asseq toqqorsivimmit. Assi © : KNR / Malik Brøns
Allattoq Anne Meisner Synnestvedt, Marie Kûitse Kristensen
januaarip 02-at 2021 19:08

Coronavirusimik tunillatsissimasoq, ukiutoqqami unnukkut Nuummi Dronning Ingredip napparsimmaviani unitsinneqarpoq. Coronavirusertumik aatsaat nunatsinni siullermeerluni napparsimmavimmut unitsitsisoqarpoq.

Nunatta nakorsaanera, Henrik L. Hansen, ualimut tusagassiortunut ilisimatitsinermini taama oqarpoq

Pineqartoq anigorsinnaanngisaminik nappaateqarnini pissutigalugu Danmarkimut peqqissariartilluni coronavrusimik.

Tunillanneqarsimasoq ersiuteqaqqaanngikkaluarpoq, taamaammallu Nuummut angerlarnissaa nakorsaanermit nalilerneqarluni.

Nuummut pereernermi kingorna decembarip ulluisa 29-ani peqqiilliulerpoq, unitsinneqartariaqarluni. Nakorsaanerup oqarnera naapertorlugu pineqartoq anigorsinnaanngisaminik nappaateqarnini peqqutigalugu, coronalu peqqutiginagu napparsimmavimmut unitsinneqarpoq.

Taanna mattusimaneqarpoq, taammaammallu tunillaassuisimanissaa ilimanaateqarani.

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq