Coronavirusimik Danmarkimi tunillatsittut amerleriaqqereersut inuit 120-t unitsinneqartut
![SCANPIX SCANPIX](/sites/default/files/styles/image_934x467/public/article_images/corona_0.jpg?itok=ZBLgnhw5)
Coronavirusimik tunillanneqarsimatillutik Danmarkimi napparsimmavinnut unitsinneqartut arfininngormalli qulinik amerleriarput.
Tassalu inuit 120-t maanna uninngapput. Uninngasut 30-nik ulluni kingullerni pingasuni amerleriarput.
Statens Serum Institutip ullormut kisitsisaataasa tamanna takutippaat.
Inuit 591-it coronavirusimik ulloq unnuarlu kingullermi tunillatsissimasutut paasineqarput.
Inuusuttut akiuussuserneqarsimanngitsullu akornanni nappaalasoqartoq
Kisitsisillu nappaalanermik nutaamik aallartilersumik takussutissaasut, Roskilde Universitetetimi tunillaassuuttoqarnerani kisitsisilerinermik lektori Viggo Andreasen naliliivoq.
Coronavirusimik sapaatit akunnerata ingerlanerani tunillatsittut 2300-mit 4700-mut qaammatip ataatsip ingerlanerani amerlisimanerat taassuma maluginiarpaa.
- Nappaalasoqarneruleriartormat, sapaatit akunnerata ataatsip ullullu qulit akornannik kingunisinnerusukkut unitsinneqartut amerlisut maanna takusinnaavarput. Inuusuttut akornanni unitsinneqartut arlaqarput, taakkualu qaqutigut perululertarput, Viggo Andreasen oqarpoq.
AAMMA ATUARUK Nakorsaaneq: Coronamut akiuussutissamik pingajussaaneernissamik 2022-mi tamanut neqeroortoqassaaq
Tupaallannanngitsorli erseqqissaatigaa.
- Ammaaqqereernermi inuusuttut pingaartumillu akiuussuserneqarsimanngitsut akornanni nappaalasoqarnissaa naatsorsuutigereertussaavarput, Viggo Andreasen oqarpoq.
Unitsinneqarsimasuni 120-ni 15-it peruluttut inaanniipput, aqqanillillu anersaartuuteqartinneqarlutik.
Danmarkimi inuit tallimat coronavirusimik arfininngormalli toqquteqarput.