Coronavirus: Nunarsuaq tamakkerlugu mattussaaqqasut milliardingajaapput
Nunatsinni coronavirus peqqutaalluni angerlarsimaffimmi mattussaaqqasut amerlapput. Kisimiinngilagullu.
Allattoq Ritzau
Nutserisoq Paninnguaq Steenholdt
Coronavirusip tuniluutinnginnissaa anguniarlugu nunani 35-ini mattussaaqqasut milliardingajaapput.
Johns Hopkins Universitymit naatsorsuinerit tallimanngormat saqqummiunneqartut taama takutitsipput.
Amerikami inuit pingasuugaangata ataaseq angerlarsimaffimmi mattussaaqqasarpoq.
Illoqarfissuit New York, Los Angeles Chicagolu eqqugaanerpaapput.
Nunarsuaq tamakkerlugu nualluummik tunillatsissimasut 300.000-it sinneraat 13.000-it toqqutigisimavaat.Tunillatsissimasuni 91.600-jut aniguisimapput.