Coronamut nutaamik akiuussutissaqalilertoq

Nakorsaasiorfiup AstraZenecap Oxford University suleqatigalugu coronavirusimut akiuussutissaliaata akuersissutigineqarnissaa pillugu suleqatigiit taakku marluk qinnuteqaat nakorsaatit pillugit Europami aqutsisoqarfimmut, EMA-mut, tunniuppaat.

EMA tusagassiutinut taama nalunaaruteqartoq, nutaarsiassaqartitsivik Ritzau allapppoq.

AAMMA ATUARUK Tuluit coronavirusimut decembarimi akiuussusiisalernissartik neriuutigigaat

EMA qinnuteqaat pillugu januaarip ulluisa 29-anni aalajangiissaaq, akiuussutissap EU-mi atorneqarsinnaanissaa innersuussutigineqassanersoq tassani aalajangerneqassalluni.

AstraZenecap Oxford University suleqatigalugu akiuussutissaliaa Tuluit Nunaanni atorneqalereerpoq.

Akiussutissat nakorsaasiorfinnit marlunnit ineriartortitat EU-mi aamma atorneqalereerput, tassa Pfizerip BioNTechillu ineriartortitaat Modernallu ineriartortitaa. Pfizer/BioNTechip akiuussutissaliaat Danmarkimi siorna decembarip ulluisa 27-anni atorneqalerpoq, nunatsinnilu januaarip ulluisa sisamaanni atorneqalerluni.

AAMMA ATUARUK Covid-19-imut nunatsinni akiuussutissiissutaasoq pillugu ilisimasaqarnerulerit

Coronavirusimut akiuussutissaq AstraZenecap Oxford University suleqatigalugu ineriartortitaa passussallugu nunatsinni maanna atorneqartumut naleqqiullugu pisariunnginneruvoq, nillataartitsivimmi nalinginnaasumi toqqortaatigineqarsinnaammat.

Akiuussutissat siulliit marluk minus 70 gradinit nillernerusumi toqqortaatigineqartariaqartuupput.