Coronamut akiuussutissaq EU-mit ullumi akuerineqarsinnaasoq

EU-mi coronavirusimut akiuussusersuinissap periarfissaalernissaa ullumikkut ataasinngornermi siuariangaatsiassaaq.

Europami nakorsaatinut aqutsisoqarfik EMA ullumikkut ataatsimiissaaq, ataatsimiinnerminilu coronamut akiuussutissap nakorsaasiorfinniit Pfizer-imiit BioNTech-imiillu ineriartortinneqartut naliliiffigalugillu saqqummiutissavaat.

Nakorsaatit EMA-p akuerippagit, suliaq EU kommissionimut ingerlaqqissaaq ullullu marluk ingerlaneranni akiuussutissamut akuersissut tamakkiisoq utaqqineqassalluni.

EU kommissionip siulittaasuata EU-mi nunat decembarip 27-aniit akiuussusersuilersinnaassasut siusinnerusukkut nalunaarutigaa.

Taamaattumik akiuussutissaq juullip ukiortaallu akornanni nunatsinnut pisinnaassaaq.

Ullumikkulli ataatsimiinnermi aalajangiisoqanngippat EMA decembarip 29-ani ataatsimeeqqissaaq.