Corona: Tunillatsissimasunut qanigisaasut maanna mattusimasariaarupput
Naammassillutit akiuussutissamik kapitittareeruit, corona-mik tunillatsissimasoq qanimut attaveqarfigigaluarukkuluunniit mattusimasariaarupputit.
Nakorsaaneqarfik tusagassiuutitigut taamatut nalunaaruteqarpoq.
AAMMA ATUARUK 7000-it akiuussutisserneqanngillat: Ukiumut unammillernarsisinnaasoq
Ilisimatuut naapertorlugit, inuit naammassillutik akiuussutissamik kapitissimasut covid-19-imik tunillatsissimasutut malussanngitsut, tunillatsikkaangamik taamaallaat qaqutigorujussuaq allanik tunillaasartut, tusagassiuutinut nalunaarummi allassimavoq.
Tunillatsissimasumut qanimut attaveqarsimavutit, ukua arlaat angerukku:
- Tunillatsissimasoq allanik tunillaasinnaanerata nalaani najugaqatiginikuuat.
- Tunillatsissimasoq toqqaannartumik attuuanikuuat, soorlu eqitaarlugu/kunillugu imaluunniit quersornikkut/tangajornikkut.
- Minutsit 15-it sinnerlugit tunillatsissimasoq 1 meterimiit qaninnerutiginikuuat, soorlu oqaluunnikkut imaluunniit ataatsimeeqatigiinnikkut.
Malittarisassat nutaat naapertorlugit, tunillatsissimasunut qanigisaasut suliinnarlutillu atuartaannarsinnaapput
Tunillatsissimasutut malussartut angerlartitaassapput
Taamaattorli tunillatsissimasutut malussarnissaq eqqumaffigineqassaaq.
Tunillatsissimasoq kingullermik attaveqarfigineraniit ullut sisamaanni arfineq aappaannilu aamma misissortinnissaq pingaartuuvoq.
Nakorsaaneqarfik taamatut allappoq, inuillu covid-19-imik tunillatsissimasutut malussartut, suli mattusimasarnissaat misissortittarnissaallu erseqqissaatigalugu.
AAMMA ATUARUK Coronamut akiuussutissat: Meeqqat inuusuttullu Modernameersumik akiuussuserneqaqqissinnaalersut
Akiuussutissamik marloriarlutilluunniit kapitissimagaluaruit aamma tamanna malissavaat.
Corona pillugu malittarisassat nutaat Nakorsaaneqarfiup nittartagaani atuarsinnaavatit uani: corona.nun.gl.