Corona: Qasigiannguani meeqqat ikinnerpaamik 30-t tunillanneqarsimasut

Nutartigaq nal. 10:33: Tunillanneqarsimasut amerlassusaat 50-it sinneqartut nutarterneqarput.

Qasigiannguiani coronavirusimik tunillatsissimasut amerlasuut siumorneqarput.

Kommune Qeqertalik Facebookimi quppernermini taama allappoq.

Meeqqat ikinnerpaamik 31-t coronavirusimik tunillanneqarsimasut Juunarsip Atuarfiata pisortaa, Aqqa Samuelsen, Facebookimi allappoq.

Tassa atuarfimmi klassit tamangajammik tuniluunnermik eqqungaaqqapput.

- Qasigiannguani tunillanneqarsimasut amerlasut uppernarsarsinnaavara. Taakkua 50-it missiliorpaat, Henrik L. Hansen Sermitsiaq.AG-mut oqarpoq.

Covid-19-imut ersiuteqaruit, misissortikkiartorit mattullutillu. Ersiuteqanngikkuillu atuariartorsinnaallutillu suliartorsinnaavutit.

Tunillatsissimasumut qanillimaguit attavigineqarumaarputit.

Coronavirusimik tunillanneqarsimasut ullormut kisitsisit Nakorsaaneqarfiup saqqummiuttaraluarpai, ullulli kingulliit saqqummertoqanngilaq.

Nuuk innaallagiaaruttaarnerata kinguneranik Nakorsaaneqarfik aamma eqqugaavoq.

Kisitsisit kingulliit saqqummiunneqartut novembarip 29-ani www.nun.gl-imi takuneqarsinnaapput. Tassani 300-t tunillanneqarsimasut allassimavoq.

Kisitsisit kingulliit KNR-imit pinissaat sulissutigaarput.