Corona: Qaqortormiut qanerminnut aamma assiaquteqalissasut
Illoqarfinni nunaqarfinnilu coronavirusumik tuniluuffiusuni killilersuigallarnerit januaarip sisamaani atuutilersut Qaqortumi tassa unnuaru nalunaaqutaq pingasunut atuutilissapput.
Naalakkersuisut tusagassiutinut taama nalunaaruteqarput.
Tamanit ornigarneqarsinnaasunukarniaraanni aqqaneq-marluleereersimasunit coronapassimik takutitsisoqassaaq, qanermut kiinnamulluunniit assiaquteqartoqartassaaq.
Isersimasinnaasut amerlanerpaaffigisinnaasaasa affaat aamma kisimik isersimasinnaanngussapput.
Tassa killilersuutit januaarip 14-ani unnuakkut pingasunut atuutilertussat tuniluuttuerunnissaanut, imaluunniit tuniluunnerup aqunneqaqqilernissaata tungaanut atuutissapput.
Killilersuutit atuukkunnaarpata corona.nun.gl-imi avammut paasissutissiissutigineqassapput.