Corona pillugu ullumikkut kisitsisit: Tunillatsissimasut nutaat 457-it
Nunatsinni tunillatsissimasut nutaat ullup ataatsip kingulliup ingerlanerani 457-it paasineqarput.
Nakorsaaneqarfiup oqarnera naapertorlugu akunnerit kingulliit 24-t ingerlaneranni 1.454-it misissorneqarput.
Tunillatsissimasut nutaat illoqarfinni ukunaniipput:
Ilulissani 143-t
Aasianni marluk
Sisimiuni 16-it
Kangerlussuarmi arfinillit
Maniitsumi arfinillit
Nuummi 283-it
Nanortalimmi ataaseq
Nunatsinni coronavirusimik tunillatsissimasut katillugit qulit napparsimmavimmi uninngapput, taakkunannga tallimat coronavirusimik pissuteqarlutik uninngapput, tallimallu coronavirusimik tunillatsissimasut allamik pissuteqarlutik napparsimmavimmi uninngallutik.
Misissuisarfiit tamanut misissuisarunnaartut
Naalakkersuisut ataasinngornermi tusagassiortunik katersortitsinerminni misissuinermi periutsimi allannguut saqqummiuppaat. Tunillatsissimasorpassuaqarnera pissutigalugu misissuisarfiit malinnaasinnaajunnaaqqapput. Taamaammat kikkut tamarmik PCR-imik misissorneqarsinnaajunnaarput.
Misissuisarnermut periuseq nutaaq
Misissueriaaseq allanngortinneqarpoq, taamaalilluni eqimattat maluinnaat misissuisarfimmut PCR-imik misissortikkiartorsinnaalerput:
Tassa utoqqaat inuillu uummatikkut puatigullu nappaateqartut tunillatsissimanermillu ersiuteqartut misissortikkiartorsinnaapput. Aamma inuit angerlarsimaffimminni sukkasuumik misissuutinit tunillatsissimasutut takussutisserneqartut.
Peqqisseqqittutut nalunaarutiginissaq, angerlarsimaffimmi misissornissaq kiisalu coronamik tunillatsissimaneq nuannertut nuallunnertullu kisimi misigisimanarpat napparsimmavimmut nakorsamulluunniit attaveqarani angerlarsimaffimmi mattusimaannarnissaq inuit namminneq akisussaaffiginerulerpaat.
Tamanna misissuisarfiit napparsimmaviillu malinnaasinnaajunnaarnerannik pissuteqarpoq.
Neriniartarfiit imerniartarfiillu sapaatini akunnerni marlunni tulliuttuni unnukkut quliniit ullaakkut tallimat tungaanut matoqqasassapput.
Tassunga taarsiullugu inuit angerlarsimaffimminni namminneq sukkasuumik misissuutinik misissortalissapput.
Naak misissuinermi periuseq allanngortinneqaraluartoq nakorsaaneqarfimmit corona pillugu kisitsisinik ullormut suli saqqummiisoqartassaaq.
Inuilli imminnut peqqisseqqittutut nalunaarutisalernerat pissutigalugu nakorsaaneqarfiup tunillatseqqasut qanoq amerlatiginerat kisitsisertalersinnaanngilaa.
Taamaammat tunillatseqqasut amerlassusaat ullormut nutarterneqartartuni ilaajunnaarsinneqassaaq.
AAMMA ATUARUK Qeqqata Kommuniani imigassanik aalakoornartortalinnik tuniniaasarnerit inerteqqutaagallalersut
Qeqqata Kommuniani imigassamik nioqquteqarneq sassaallersinnaanerlu marlunngornermi unnukkut inerteqqutaalerpoq. Inerteqquteqarneq januaarip ulluisa aqqarnannit januaarip ulluisa 25-at ilanngullugu atuutissaaq.
Tamanna imigassanut 2,25 volumeprocentinit qaffasinnerusumillu sakkortussuseqartunut atuuppoq.
