Qeqqata Kommuniani imigassanik aalakoornartortalinnik tuniniaasarnerit inerteqqutaagallalersut

Qeqqata Kommuniani borgmesterip imigassat aalakoornartortallit Qeqqata Kommuniani tuniniarneqartarneri sassaalliutigineqartarnerilu inerteqqutigineqarallarnissaanut qinnuiginninnera Naalakkersuisut akuersaarpaat.
Assi © : Juliane Henningsen
januaarip 11-at 2022 22:42

Qeqqata Kommuniani imigassanik aalakoornartortalinnik tuniniaasarnerit sassaalliuteqartarnerillu unnugumiit januar 25. januar 2022 ilanngullugu inerteqqutaagallarput.

Naalakkersuisut taama nalunaaruteqarput.

Ullumi Naalakkersuisut Qeqqata Kommunianit borgmester Malik Berthelsenimit imigassat aalakoornartortallit 2,25 volumenprocentimit qummut volumenprocenteqartut tamarmik Qeqqata Kommuniani tuniniarneqartarneri sassaalliutigineqartarnerilu inerteqqutigineqarallarnissaanut qinnuiginninnera eqqartorpaat.

- Angerlarsimaffimmi pitsaanngitsumik ineriartortoqarnera meeqqanut ilaqutariinnullu taamaallaat eqquinavianngilaq, kisianni aamma Covid-19-ip tuniluunnerata siaruarnissaanut annertunerusumik aarlerinaateqalersissavaa imigassartorfiusumi ataatsimoortoqartillugu inuit tunillaassuuttoqarsinnaanera eqqumaffigineq ajormassuk. Qeqqata Kommuniani tunillatsissimasut 500-t sinneqarput ullormullu tunillatsittartut nutaat naammattuugassaapput tuniluunnerullu suminngaanneernera iliasimaneqanngilaq.

- Kommunimi sumiiffinni arlalinni suminngaanniit ilisimaneqanngitsumik annertuumik tuniluuttoqarnera tunngavigalugu Naalakkersuisut Qeqqata Kommuniani imigassamik aalakoornartortalinnik tuniniaasarnerit sassaalliuteqartarnerillu unnugumiit 11. januar 2022 nal. 22.00-miit – 25. januar 2022 ilanngullugu inerteqqutigineqarallarnissaannik qinnuiginninnerat tusaatissatut tiguniarlugu aalajangerput.