COP 16 ajorluinnartumik inerneqarsinnaavoq
EU-p silap pissusaanut kommissæria, Connie Hedegaard, oqarpoq ajutoortoqassappat tamanna annertoorujussuarnik kinguneqassasoq.
- Nunarsuarmi aaqqissuussaaneq Naalagaaffiit Peqatigiillu nunarsuaq tamakkerlugu iliuuseqarsinnaanerat navianartorsiorput, Connie Hedegaard DR-imut oqarpoq.
Københavnimi COP 15-imisulli isumaqatigiinngitsut tassaapput nunarsuarmi nunat pisuut aamma nunat ineriartortut, assersuutigalugu Kina, India aamma Brasilia.
Danmarkimi silap pissusaa pillugu ministeri, Lykke Friis, aamma isumaqarpoq, COP 16-imi isumaqatigiissuteqartoqassanngippat nunat tamat akornanni suleqatigiinneq annertuumik innarlerneqassasoq.
Lykke Friis oqarpoq aarlerinartorsiortut arlaqartut, matumani pineqarlutik silap pissusaa pillugu isumaqatiginninniarnerit siunissaat, minnerunngitsumillu nunarsuaq tamakkerlugu nunat pissaanilissuit arlallit, ataasiinnaanngitsumik siuttoqarlutik ataatsimoorlutik aalajangiisinnaanerat.
