Containerinik ikuallatsitsisaqattaarnerit paasineqarput

Nuummi Nuussuarmilu containerinik septemberip qaammataata ingerlanerani ikullatsitsisaqattaarnerit politiinit paasineqarput. Angutit pingasut 16-nik, 18-nik 19-nillu ukiullit containerinik 13-nik ikuallatsitsisimasutut politiinit pasineqarlutik tigusarineqarput.
Allattoq Bikki P. Kleist
septembarip 29-at 2009 10:22

Containerinik piginnittut iluarsartuussinernut aningaasartuutaat qatserisartullu sullissinerannut aningaasat atorneqartut taarsernissaat angutit pingasut pasineqartut naatsorsuutigisariaqaraat, Nuummi politiit oqarput.

Politiit unnerluussutaat naapertorlugit angut 16-nik ukiulik ataasiarluni ikuallatsitsisimasutut pasineqarpoq, 18-nik ukiulik arfineq-pingasoriarluni ikuallatsitsisimasutut naassuersimavoq, 19-nillu ukiulik pingasoriarluni ikuallatsitseriarsimasutut pasineqarluni.

Taamaattoq Pisiniarfiup minimarkedep eqqaaniittumik containerimik septembarip 22-ani ikuallatsitsineq politiinit suli paasineqanngilaq.

Containerinik 13-nik ikuallaasimanerni kingullermi pisiniarfiup iigaa ikuallangajassimammat ulorianarnerpaatut qatserisartunit nalilerneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq