Japans Demokratiske Parti, DJP, ajugaarujussuarpoq, Det Liberale Demokratiske Parti, LDP, ukiut 50-it sinnerlugit naalakkersuisuutitaqarsimasoq taamaalilluni ajorsartinneqarpoq.
Partii naalakkersuisuutitaqalersussaq Connie Hedegaardip isumalluarfigaa, silami pillugu Japanimi naalakkersuisuutitaqalersussat isumaat isumaqatigilluinnarpaa.
- Japanimi naalakkersuisunngortussat qineqqusaarnerminni oqaaserisartakkatik eqqortissappatigik, sila pillugu nutaarsiassat ajussanngeqaat. Partiip naalakkersuisuutitaqalersussap anguniarpaa CO2-mik aniatitsineq 1990-imut naleqqiullugu 25 procentimik 2020-mi minnerulersinniarlugu. Taama pisoqassappat Japan tassaalissagaluarpoq CO2-mik aniatitsinermik minnerulersitsisuni siuarsimanerpaaq, Connie Hedegaard oqarpoq, nangillunilu:
- Qineqqusaarutitik Japanimi naalakkersuisunngortussat eqquutitissappatigik, silap pissusaa pillugu nunarsuaq tamakkerlugu politikki piffissaq eqqorluinnarlugu iluatsissagaluarpoq, nunat allat CO2-mik aniatitsinertik aamma annikillisikkusulissammassuk, Connie Hedegaard oqarpoq.