Condoleezza Rice Pak Ui Chunilu ataatsimeeqatigiipput
USA-p nunanut allanut ministeria Condoleezza Rice aamma Korea Avannarliup nunanut allanut ministeria Pak Ui Chun ippassaq ataatsimeeqatigiipput.
Korea Avannarliup atomip nukinganik atuinikkut nukissiuuteqarniarnerata atorunnaarsinneqarnissaa pillugu ataatsimeeqatigiittoqarpoq.
Nunat taakku marluk ministeriisa ukiuni sisamani ataatsimeeqatigiinnikuunatik kiisami naapeqatigiipput, naallu Kinap nunanut allanut ministeriata Yang Jiechip ataatsimeeqatigiinneq pingaarutilittut nalileraluaraa, ataatsimeeqatigiinnerup Condoleezza Ricep isumaqatigiinniarnertut taanagu isumasioqatigiinnertut nalilerpaa.
Taamaakkaluartoq Korea Avannarlermiut sakkortuumik oqariartuuteqarfiginiarlugit Rice nalunaarpoq.
Korea Avannarliup atomip nukinganik atuinera pillugu nalunaarut USA-mut tunniunneqaqqammerpoq, Korea Avannarliup nalunaarusiornissaa USA-p piumasarisimammagu.
