Conan O'Brienip nunarput 120.000 dollarsilerlugu Pele Broberg aqqutigalugu pisiarinialikkersaarpaa

- Aana kufferti aningaasanik 120.000 dollarsinik imalik. Tamaani qimaannassavara. Taamaalillunga nunassi ilumut pisiarisinnaaneranut isumaliutissippagit. 

Amerikamiu quiasaarisartoq Conan O´Brien Partii Naleraq sinnerlugu Inatsisartuni ilaasortaq Pele Brobergi Inatsisartut Allattoqarfiannut pulaarmagu taama nalunaaruteqarpoq.

Pele Brobergi tamanna pillugu qanoq akissuteqarnersoq uani takusinnaavat.  

USA-p præsidentiata Donald Trumpip nunarput pisiarinilikkersaareeralu Conan O´Brien aggustimi ullualunni Nuummillunilu Ilulissaniippoq. Quiasaarisarisartoq Trump sinnerlugu nunarput pisiarinialikkersaarniarlugu Inatsisartuni ilaasortanik aamma nunatta inuttaasuinik aqqusinermi naapitsivoq.

AAMMA ATUARUK Trump sinnerlugu Nunarput pisiariniarsarivaa – itigartinneqarlunili

Nunatta Trumpimit pisarinialikkersaarneqarnera – Naalakkersuisut siulittaasuannit Kim Kielsenimit Danmarkillu ministeriuneranit Mette Frederiksenimit isumaqanngilluinnartoq-mik taamatuttaaq Kalaallit Nunaat tuniniagaanngitsoq-mik oqaaseqarfigineqarluni itigartitsissutigineqaraluartoq - nunarsuarmi sumiiffinni arlallinni nutaarsiassaqartitsivinnit assigiinngitsunit pingaarnertut qulequtarineqartarluni oqallisaasorujussuuvoq. Taamaakkaluartoq Conan O`Brien assiliisartorisartakkani peqatigalugit tamanna pillugu nunatsinnut akunnermiliuttuujartornissaminut tunuarsimaarsimanngilaq.

Tikeraarnerani immiussat Conan O´Brienip angalanerminik quiasaarutitut aallakaatitassiarisartagaani "Conan Without Borders"-imi saqqummiunneqarput. Taakku Amerikami TV-qarfimmit TBS Networkimit marlunngormat saqqummiunneqarput.

Ussassaaruterpassuit allat O´Brienip aallakaatitassiarisartagaanut tunngasut nittartakkami uani takusinnaavatit: teamcoco.com.