Cola-gooq Afrikamiit aallaaveqarpoq.
Taamatullu oqarsimanerarpaat, Libiamiu kisermaassilluni naalakkersuisoq oberst Gaddafi.
Taassuma maanna piumasarilerpaa, nunarsuarmi naalagaaffippassuarni Coca cola-nik tunisassiorfipiluunersuit tunisaqarnerit tamaasa procenterpaalunnik Afrika-mut akiliuteqartalissasut.
Arabiamiuusoq Gaddafi Afrikamiut siuttuattut imminut isigivoq. Coca Cola-niillu aningaasat iluanaarutit Libiap naalagaaffianut isertitaaqaataanissaat kissaatigaa, taakkulu aningaasarpapilussuussapput, tassami ukioq kingulleq Coca Cola-nik tunisassiornermi aningaasat koruuninngorlugit 135 mio. koruunit isertinneqarsimapput.
Gaddafi aatsaat taamarsuaq piumasaqalinngilaq, siusinnerusukkut aamma oqarsimavoq, qanga itsaq isiginnaartitsissutissanik atuakkiortorsuaq tusaamasaq Shakespeare Afrika-miuunerarsimavaa uffalu taanna tulukasaasoq.