CO2-mik aniatitsineq pillugu isumaqatigiissuteqartoqanngilaq

Nunarsuatsinni naalagaaffiit pisuunerpaat arfineq pingasuusut – aamma G-8-mik taaneqartartut – Japanimi ataatsimeeqatigiinnerminni, ullumi naammassisumi, gassimik silaannarmik kissakkiartortitsisumik CO2-mik aniatitsinerup minnerulersinneqarnissaa pillugu isumaqatigiissuteqanngitsoorput.
Allattoq Elisa Isaksen
juulip 09-at 2008 17:00

Ataatsimiinnerup ulluani kingullermi taama oqaaseqaateqartoqarpoq, nunat ukua siuttuinit pulaartoqareerlutik: Brasilia, Afrikami Kujallermi naalagaaffik, Kina, Indonesia, Korea Kujalleq, India aamma Australia.

Naalagaaffiit 16-iusut gassinik ulorianartunik aniatitsinerminnik qaqugu minnerulersitsissanerlutik ukiulersinnaanngilaat, ataatsimoorlutilli ima oqaannarput:

- Silap pissusaata allanngoriartornera ullutsinni unammilligassat annerit ilagaat.

USA-p præsidentiata CO2 pillugu isumaqatigiissuteqarnissaq siullermeerluni ammaffigigaluarpaa, aatsaalli Kina aamma India peqataassappata, taakkuli peqataajumanngimmata peqataaniarnera qatangiinnarpoq.

EU-kommissionip siulittaasuata José Manuel Barrosop Japanimi ataatsimeeqatigiinneq silap pissusaa pillugu angusaqarfiuallaannginnerarpaa, aammami tamanna anguniagaanngilaq.

- Aatsaammi silap pissusaa pillugu 2009-mi Københavnimi ataatsimeersuartoqalerpat tamanna pimoorullugu sammineqartussaavoq.

- Naak siunissami suliassanik ulikkaaraluarluta ataatsimeersuarneq akaareqatigiilluta qimapparput, Barosso naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq