CO2-mik akileraarusiisalernissaq Royal Arctic Line-p iluaraa

Ippassaq Københavnimi silap pissusaa pillugu ataatsimeersuarnermi umiarsuaatileqatigiiffiup A.P. Møller Mærskip pisortaata nunat tamat imaatigut angallavigisinnaasaanni CO2-mik aniatitsisarnerni akileraarusiinissaq siunnersuutigaa.

- Nunat tamat imartaanni umiarsumik angallannerni CO2-mik aniatitsinermi akileraaruteqartoqartalernissaa Royal Arctic Linep ilalernartippaa.

CO2-mik immikkut aniatitsisinnaanermik "pisisarnermit" siunnersuut pitsaaneroqisoq, Royal Arctic Linemi tusagassiisartut pisortaat Jakob Strøm oqarpoq.

Umiarsuarnik angallanerni CO2-mik aniatitsinerni akileraarutaalersussat silap pissusaata annertunerusumik misissuiffigineqarnissaanut atorneqassasut, Jakob Strømip oqaatigaa.

- Issittumi angallannerni sakkortuunik motooreqartariaqarneq avaqqunneqarsinnaannginnera pissutigalugu CO2-mik aniatitsineq killileruminaappoq. CO2-milli aniatitsinermi akileraaruteqarnermi akiliutit issittup imartaani angallanermi CO2-mik annikinnerusumik aniatitsisalernissamik atortorissaarutinik nassaarniarnernut atorneqassasut, Royal Arctic Linemi avammut tusagassiisartoq Jakob Strøm naggasiivoq.