Clipper Pacific ussiillunilu sillimaniarnerluppoq
Takornariartaatimmi Clipper Pacificip isumannaallisarneqarnera annertuumik amigaateqartoq New Yorkimi nalinginnaasumik misissuinermi paasineqarpoq. Umiarsuaq ussiittoq, annanniutaasa ilaat aserorsimasut, ajunaalernermi qimaariarnissamut nalunaarsuutit amigartut inunnullu puttaqutit ajoquteqartut nutaarsiassaqartitsivik AP nalunaarpoq.
Misissuinermi isumannaallisaanermi amigaataasut 66-it nassaarineqarput.
Takornariat angalanerminni tikitaminni pissutsit pillugit ilinniartinneqartarmata, Clipper Pacific angalanermini aamma Peace Boatimik taagorneqarpoq.
Clipper Pacific maanna New Yorkimi talittarfimmiittoq aqqartartut misissugaralugulu iluarsaakkallarpaat. Ilaasut suli umiarsuarmi sorusukkunik susinnaapput.
Umiarsuaq ingerlaqqikkuni Venezuelaliassamaarpoq. Umiarsuarmik atuisut, International Shipping Partners, Miamimeersut suli oqaaseqartinneqarsimanngillat.