Clintonip ajorsarnini nassuerutigissallugu piareerpoq
Hillary Clinton Demokraatit præsidentinngorniartitaatut ajorsarnini nassuerutigissallugu piareertoq, tusagassiutinut attaveqaataata oqaatigisimagaa, nutaarsiassaqartitsivimmi Ritzaumi allaaserineqarpoq.
Allattoq Louise M. Kleemann
Unammillertaa Barack Obama amerlanerpaanik taaneqarluni demokraatit sassartitassaattut ippassaq ajugaavoq. Arfininngorpallu Hillary Clinton pisortatigoortumik ajorsarnerminik nassueruteqassasoq oqaatigineqarpoq.
- Hillary Clintonip tapersersorterpassuani qutsaviginiarpai Obamamullu tapersersuinissi oqaatigissallugu, taama Hillaryp tusagassiutinut attaveqaataa issuarneqarpoq.
Periarfissarlu taanna iluatsillugu partiip ataatsimoornerunissaa kajumissaarutigilersaarpaa, tassamigooq partii taanna nammineq Barack Obamallu sivisoqisumik unamminerminni avissaarfiusimaqimmat.