Clintonikkut panituaat katippoq

Tamanna pivoq, USA-mi naalagaaffiit ilaanni New Yorkimi, Chelsea Clinton uitaaminut Marc Mezvinski-mut persuarsiornartumik katinnerminni angermat.

30-nik ukiulik Chelsea Clinton, USA-mi siornatigut præsidentiusup Bill Clintonip aamma maanna nunanut allanut ministerip Hillary Clintonip panituaraat.

Taamatut inissisimasunik angajoqqaaqarluni katikkaanni, soorunami tamanna maluginiarneqartorujussuussaaq.

Sumi katittoqarnissaa isertuunneqarluinnarsimavoq, aatsaalli ippassaq illussaarsuup Astor Courts-ip New York City-mit 160 kilometerinik ungasissulimmiittup katiffiunissaa nalunaarutigineqarluni.

Katittorsiorluni nalliuttorsiornermut qaaqqusat 400-t 500-llu akornanniissasut oqaatigineqarpoq, tusatsiakkallu naapertorlugit nalliuttorsiorneq 3 millionit dollarsinik akeqassaaq.

Pisortatigoortumik qaaqqusat saniatigut inuit tituusintilikkaat alapernaallutik katittunut malinnaapput.