Clinton tullersortitut inissikkusunngilaq
Arlalippassuarnit isumalluarfigineqaraluarpoq Obama Clintonilu marluullutik suleqatigiissutigisaminnik præsidentimut anngunniuttoqalerpat illuatungerisartik republikaneriusoq John McCain akiorumaaraat.
Barack Obama Hillary Clintonilu siullerpaamik ippassaq ataatsimeeqatigiipput. Taakkuli marluullutik sunik oqaloqatigiissuteqarsimanerat ilisimaneqanngilaq, taamaattumillu tusagassiorfiit isumaliortorujussuanngorput. Ilaat oqalupput Hillary tullersortaajumanani nalunaaruteqareeraluarluni aperineqassaguni imaassinnaasoq akuersaartoq.
Hillary Clinton qineqqusaarnermiit tunuassanerluni Obamamulluunniit tapersersuissanerluni aqagu nalunaaruteqassasoq naatsorsuutigineqarpoq.