Cigaritsit mobiilillu tillikkumaneruaat
Nuummi innuttaasut ataatsimut isigalugu sapaatip-akunnerup ataatsip kingulliup ingerlanerani eqqissisimasimagualuarput, taamaattoq suliffeqarfiit arlallit tillinniarfigineqaqattaarsimasut, Nuummi politiit pisortaat Janus Eigaard ilisimatitsivoq.
Allattoq Mads Lynge
Sapaatip-akunnerup ingerlanerani unnuit tamangajaasa tillinniartoqartarsimavoq, cigaritsit mobiltelfonillu amerlanertigut tillinneqartarsimallutik.
Nuummi innuttaasut tamakkuninnga neqeroorfigineqartarsimasut politiinut nalunaaruteqartarnissaat, Nuummi politiit kajumissaarutigaat.
Oqarasuaatit angallattakkat assigiinngitsut arfineq-marluk Nuummi Tele-Postimit sapaatip-akunnerup siuliani tillinneqarsimasut, Tele-Postimi paasissutissiisartup Malînánguak' Markussen Mølgaardip oqaatigaa, sulilu misissuisoqarmat sukumiinerusumik oqaaseqarsinnaanngikkallarnerarluni.