Cigarettit puui Australiami ilisarnaateqartarunnaassapput
Nunarsuarmi nunani siullersaallutik cigarettit puuini ilisarnaatit pilerisaarutillu Australiami ukiut marluk qaangiuppata inerteqqutinngortinneqassapput.
Allattoq Apollo Jeremiassen
Cigarettit puuini taamaallaat atuarneqarsinnaassaaq qanoq ulorianartigineri.
Ukioq 2018 nallerpat Australiami pujortarnermik toqquteqartartut, toqqutaasartunut allanut naleqqiullugu, 10 procentit ataaniissasut, Australiap premierministeriata Kevin Ruddip siunnerfigaa.
- Taamatut iliorniarneq tupaliorfissuit uumigissaqaat. Tassami taamaaliornitta nassatarisussaassavaa inuit pujortarnikinnerulernerat. Kevin Rudd oqarpoq.
Australiami tupaliorfiit annersaata, Imperial Tobacco Australiap oqaatigaa, naalakkersuisut taama pilersaarnerat unammillerneqagaassasoq.