Chukotkami nannunniarsinnaanermut inerteqqut 1950-ikkunnili atuuttoq maanna atorunnaarsinneqarpoq.
Peqqussutip nutaap guvernørimit atsiorneqarneratigut nannut 29-t ukiumut pisarineqarsinnaanngortut, nutaarsiassaqartitsivimmit AFP-mit allaaserineqarpoq.
Tamannalu ima isumaqanngilaq ukiut 50-it kingulliit ingerlaneranni nannuttoqarsimanngitsoq. Ilisimatuut missingersuutaat naapertorlugit nannut anngiortumik pisarineqartartut ukiumut 30-t missaanniipput. Tamannalu massakkut inerteqqutaajunnaarpoq.
Nannunik pisassiineq killilersuinernik aamma malitseqarpoq, tassa nannut arnavissat piarallit eqqissisimatitaammata.
