Christianiap siunissaa nalorninartoq

Christianiami pissutsit allanngortinneqassanersut allanngortinneqassannginnersulluunniit Christianiamiut aalajangeeqataaffigisussaavaat, qinikkanullu akissutissartik ulluni makkunani eqqarsaatigalugu.

Christianiap imminut naalakkersortutut ilaannakortumik inissisimaannarnissaa naalagaaffiup siunnersuutigaa, Christianiamilu innuttaasut akornanni amerlanerussuteqartut pilersaarut taanna akuersaarpaat.

Siunnersuutigineqartorli piviusunngortineqarnissaa suli qulakkeerneqanngilaq, ikiaroornartuerniat siunnersuut akuersaanngimmassuk.

- Amerlanerussuteqartut siunnersuummut tapersersuisuusut nalunngilarput, ikiaroornartuernialli akerliusut aamma nalunngillutigu. Suaartarfigisarpaatigut, siorasaarisarput, nuanniitsuliortarlutillu. Christianiap allanngortinneqarnissaanut aalajangiisoqanngiinnassappat siunnersuummut tapersersuinerussasoq ikiaroornartuerniat nalunngilaat, Christianiap oqaaseqartartua Foyl Iversen oqarpoq.

Siunnersuut ataatsimiinnermi ippassaq unnukkut sammineqarpoq, sulili aalajangiisoqarani. Aalajangiinissarlu pillugu sapaatiuppat ataatsimiittoqaqqissaaq.

Apriilip aallaqqaataatinnagu aalajangereertoqarsimassaaq.