Christianiamiut suli piareeqqanngillat

Christianiami najugallit piffissaqarnerorusupput. Illoqarfiup ilaata taassuma imminut naalakkersortup Københavnip ilaatut nalinginnaasutut pineqalernissaa pillugu naalagaaffimmut isumaqatigiissusiornissamut suli piareersimanngillat.

Ippassaq unnukkut Christianiami najugaqartut ataatsimiinneranni Christianiap illoqarfiup ilaatut nalinginnaasutut pineqalernissaanik naalagaaffimmit siunnersuutigineqartoq isummerfigineqartussanngormat, najugaqartut aammaarlutik naalagaaffiup siunnersuutaata misissorluarnissaanut piffissalerneqarnissartik kissaatigaat.

Christianiap eqqartuussissuserisuata Knud Foldschakip ima nassuiarpaa:

- Christianiami najugallit imminut naalakkersorlutik ukiuni 35-ni najugaqareerput, taamaattumik malittarisassat malittarisalittullu aaqqissuussinerit assigiinngitsorpassuit akuersaarnissaat ajornakusoortippaat. Ippassaq unnukkut ataatsimiinnermi Christianiami najugallit oqarput, neriorsuuterpassuit upperiuminaatsikkitik, Knud Foldschak oqarpoq.

- Ippassaq atatsimiinnissaq sioqqullugu Christianiamiut

naalagaaffiup siunnersuutaanut akuersaarnissaat ilimagisimagaluarpara. Kisianni erseqqissaanerusariaqarpugut.

Kisiannimi Christianiami najugaqartut taama sivisutigisumik naqisimaneqaratik inooreerlutik pisussaaffilerlugit isumaqatigiissuteqarfigineqarsinnaappat?

- Ippassaq aamma oqartoqarpoq Christianiap siunissaa pillugu Christianiami najugaqartut taasitinneqaqqaartariaqartut. Taamaalilluni amerlanerussuteqartut isumaat naapertorlugu suleriaqqittoqarniassammat, Knud Foldschak oqarpoq.