Christianiamiut eqqartuussisulersuussipput
Christiania Københavnimi illoqarfiup ilaatut nalinnginaasutut inissisimalissanersoq, aningaasaqarnermut ministerip Thor Pedersen-ip namminneerluni aalajangertussanngorpaa.
Christianiap Danmark-ip sinneraneratulli ingerlalernissaa naalagaaffimmit kissaatigineqarpoq, tamannalu pillugu naalagaaffik arlalinnik piumasaqaateqarsimavoq, piumasaqaatilli ilaat Christianiap piviusunngortissinnaanngilai.
Pimasaqaatinut ilaavoq, Christianiap naalagaaffimmik eqqartuussivilersuussiniarnini apriilip aallaqaataatinnagu tunuartissagaa, taamaaliortoqarsinnaanngitsorli, Christianiap eqqartuussissuserisua Knud Folkschach oqarpoq.
Christianiami najugaqartut suliffeqarfiuteqartullu 700-it missaat ataasiakkaatigut eqqartuussivilersuussipput, tamakku piffissaliunneqartumut angumersisinnaanngillat, eqqartuussissuserisoq oqarpoq.
Christianiamiut ataasiakkat, naalagaaffik eqqartuussisunut suliassanngortippaat Christianiami illunut oqartussaaneq tigummiinnarumallugu.
