Christianiami toqutsisoqarpoq
Christianiap tungaanut aqqusinermi Refshalevej angut aallaallugu toqunneqarsimavoq. Toqutsiffimit angut cykelerluni qimaasoq takuneqarsimasoq, politiinit ujarneqarpoq.
Allattoq Jaaku Lyberth
Angut avaarlugu aallaaneqarsimavoq biilinullu qimaannarneqarsimalluni.
Angutip toqutaasup Christianiami tusarnaartitsisarfiup Den Grå Halip eqqaani aallaaneqarsimanissaa politiinit ilimagineqarpoq, tassanngaaniillu Christianiap eqqaaniittumut aqqusinermut Refshalevejimut ingerlanneqarsimasorineqarpoq.
Aallaasersortoqarnerata kinguninngua angut cykelinik qimaasoq takuneqarsimavoq.
Aallaasersortoqarnerata nalaani allaasersorfiusumi inuit arlallit tigusarineqarput, uippallertoqarsimammat, politiit aqutsisuat oqarpoq.