Christiania naliginnaasunngorsarniarneqalerpoq
Christianianiami oqartussanik isumaqatigiinniartuupput Illussaarsuit Inissiallu Pillugit qullersaqarfimmi sulisut.
Akissut Qullersaqarfimmut ulloqeqqanut tunniunneqarpoq. Danmarkip sinnerani ingerlatsinertut Christianiap nalinginnaasunngorsarneqarnissaanut oqartussat angerput, arlalinnilli isumaqatigiinniutigineqartussanik siunnersuuteqarlutik.
Aningaasaqarnermut ministeri Lars Løkke Rasmussen aviisimit Politikenimit ippassaq apersorneqarluni oqarpoq, isumaqatigiinniarnerit tamaanga killeqartut, apeqqutaaginnalersorlu tassaalersoq Christianiap angernissaa naaggaarnissaaluunniit.
Taamaammat Christianiap akissutaa naaggaarnertut Qullersaqarfimmit isigineqarpoq. Taamaammat aamma Christianiap ingerlanneqarneranut allanngortiterinissaq eqqartuussivinnit aalajangiiffigineqartussanngorpoq.
- Siunnersorteqarnernut 20 millioni koruunit atoreerpagut. 200-riarluta ataatsimeeqatigisareerpagut nalunaaquttap akunnerilu 20.000-t sulinitsinnut atorsimallutigit. Ataatsimeeqatigeeqqinnissaq pissutissaqarsorinngilara, Illussaarsuit inissiallu pillugit Qullersaqarfimmi pisortaq Carsten Jarlov oqarpoq.