Chilly Friday tusarnaartitsilersut
Nipilersoqatigiit Chilly Friday Katuami septembarimi tusarnaartitsilerunik nuannarinnitsiminnik aliannaartitsivissussagunarput, nipilersoqatigiimmi kingullermik ukiut arfineq-pingasut matuma siorna tusarnaartitsipput, taamanilu 2007-mi Imernalaaq Festivalertoqarmat aamma Katuami tusarnaartitsillutik.
Nipilersoqatigiit misilittagartuut
Chilly Friday nuuteeqqanik sisamanik saqqummersitaqarput: Inuiaat 2000 2000-imeersoq, Saamimmiit talerpianut 2001-imeersoq, Tribute 2004-meersoq kiisalu M/S Kalaallit Nunaat 2005-imeersoq.
Nipilersoqatigiit nunani avannarlerni nunanilu issittumiittuni tusarnaartitsisarneri 80-init amerlanerupput.
Chilly Friday pillugit annertunerusumik uani atuagassaqarpoq saqqummersitaasalu nuannarineqarnerpaartaat "Iggo" ataani aamma tusarnaarneqarsinnaalluni: