Nutaarsiassaqartitsivinni Ritzauimi Reutersimilu tamanna allaaserineqarpoq. Chilimi pissutsit allanngorput nunalu aatsaat taama nukittortigaaq, politikerit tamarmik tamanna isumaqatigiissutigaat.
Chilimi kanngussammik piiaaffimmi sulisut kingullersaat, qoqernaannartumik nuannattut akornannut, TV-kkullu nunarsuaq tamakkerlugu isiginnaarneqarluni, unnuaq qaqinneqarpoq.
- Suliaq naammassivoq, allagartarsuarmi taama allassimavoq, annaassiniartut allagartarsuaq taanna piiaaffiup San José-p eqqaani assiliissutit sioraanni nittarsaappaat, naalagaasaq 54-inik ukiulik Luis Urzua kingullersaalluni qaqinneqarmat. Mattussaaqqasimasut allat 32-t 625 meterimik ititigisumiit nalunaaquttap akunnerpassuini qallorneqareersullu.
Annaassiniarneq ajornakusooqisoq maanna tassa naammassivoq. Annaassiniarnissaq qaammatip aappaa avillugu piareersarneqarpoq, nalunaaquttallu akunnerini 22-ni ningitsisarlutillu qalluipput.
Chili tamakkerlugu nuannapput. Biilertut siggartarrapput. Inuppassuit titusindtilikkaat aqqusinerniipput. Inuit imminnut eqitaartarput, nuannaarnerullu pianik qissallutik.
- Annaassiniarnerup ataqatigiissilerpaatigut. Nukittunerulerpugut, præsidenti Piñera, attortissimaqisoq, oqarpoq.