Checkit atorunnaalersut

Checkit naalagaaffeqatigiiffiup iluani ukiumut aningaasanngortinneqartartut 200 millionit sinnertarpaat, akileeriaatsilli sukkanerusut periarfissallu allat checkimut taartaajartuinnalerput.

Checkit ukiortaamit taamaammat atorneqarunnaarnissaat, aningaaseriviit Naalagaaffeqatigiinnerup iluani suleqatigiittut aalajangerpaat, tassa illit nammineq aningaaseriviit aqqutigalugu checki atorsinnaajunnaassavat. 

Checkit aningaaserivimmit aalajangersimasumit atsiorneqarsimasut ukiortaamit taamaallaat aningaasanngortinneqarsinnaalissapput, checkillu atorneqarnerat kigaatsumik tammariartussallutik.

Tamannali ajuusaarutigisariaqanngikkipput, atuisartut pillugit immikkut ilisimasallip Ann Lehmann Erichsenip, Nordeameersup, oqaatigaa:

- Akileeriaatsit pitsaanerit, sukkanerillu isumannaannerillu periarfissaapput, checkit taamaammat ullumi atorneerukkiartorput, Ann Lehmann Erichsen oqarpoq.

Checkit atorneqartorujussuusimariarlutik tammariartorput, oqarpoq.

Akileeriaatsit elektroniskiusut, soorlu netbank, Betalingsservice MobilePayiluunniit checkit atorneerukkiartortippaat.