Champions League-mi finale KNR-ikkuussaaq
Tuluit Nunaanni arsaattarfissuarmi Wembley Stadionimi imaannaanngitsumik unammisoqassaaq maajip 28-at Manchester United aamma FC Barcelona Champions Leaguemi finalemi unammissammata. Maanna nunatsinni tv-mi isiginnaartartut toqqaannartumik malinnaasinnaanngorput
- Assorsuaq nuannerpoq iluatsimmat. Pisiffik, Grønlandsbanken, Tele Post aamma Bergans ataatsimoorlutik aningaasaliisimanngitsuuppata tamanna iluatsissimanavianngikkaluarpoq, KNRimi tuniniaanermut pisortaq Henrik Broberg unnersiorpoq.
Taassuma ilanngullugu nuannaarutigaa arsaannermik nuannarisalippassuit unamminerup aallakaatinneqarnissaanik noqqaassuteqarsimasut kissaataat piviusunngorsinnaalermat.